हेटौँडा: हेटौँडा–२ स्थित मकवानपुर बहुमुखी क्याम्पसले विद्यार्थीका लागि वातावरण परिवर्तनबारे अभिमुखीकरण कार्यक्रमको आयोजना गरेको छ। शुक्रबार बिहान अभिमुखीकरण कार्यक्रम आयोजना गरिएको हो ।
कार्यक्रममा हेटौँडा उपमहानगरपालिकाका वातावरण अधिकृत चन्दा खड्काले सहजीकरण गर्नुभएको थियो । कार्यक्रममा स्नातक तह प्रथम र द्वितीय वर्षमा अध्ययनरत मानविकी र शिक्षाशास्त्र सङ्कायमा अध्ययनरत विद्यार्थीको सहभागिता रहेको थियो । हरेक दिन, हरेक व्यक्तिको क्रियाकलापले वातावरणमा सकारात्मक र नकारात्मक प्रभाव रहने भएकोले आम मानिसमा वातावरण र मानवीय क्रियाकलापले पार्ने वातावरण प्रभावका विषयमा जानकारी गराउनु जरुरी भएको वातावरण अधिकृत चन्दा खड्काले जानकारी दिनुभएको छ। वातावरण परिवर्तनकै कारण मानव समाजको हरेक क्षेत्रमा प्रभाव पारेको खड्काले बताउनुभयो ।
विद्यार्थीका लागि आयोजना गरिएको अभिमुखीकरणमा क्याम्पस प्रमुख डा.शंकर प्रसाद उपाध्याय, सहायक क्याम्पस प्रमुख डा. यम बहादुर सिलवाल, डा. रामप्रसाद अधिकारीको पनि उपस्थिति रहेको थियो ।
