हेटौंडाः मकवानपुरको भिमफेदी गाउँपालिका–६, जुरिखेतमा मोटरसाइकल दुर्घटना हुँदा २ जनाको मृत्यु भएको छ । बुधबार हेटौंडा भिमफेदी कुलेखानी काठमाण्डौ सडकखण्डमा काठमाण्डौबाट हेटौंडा तर्फ आउदै गरेको बागमती प्रदेश ०२ ०२० प ४२३७ नम्बरको मोटरसाइकल दुर्घटना भएको जिल्ला प्रहरी कार्यालय मकवानपुरले जनाएको छ ।
मोटरसाइकल आफै अनियन्त्रित भई सडकबाट २०० मिटर तल खसी दुर्घटना भएको हो । दुर्घटनामा बारा पर्सौनि नगरपालिका–५, बस्ने २५ बर्षीय लालबाबु सहनि मलाहा गम्भीर घाइते भएका थिए । घाइते भएका लालबाबु उपचारको लागि जिल्ला अस्पताल हेटौंडा लगिएकोमा उपचारको क्रममा राति ८ बजेर ३५ मिनेटमा डाक्टरले मृत घोषणा गरेको प्रहरीले जानकारी दिएको छ । लालबाबुको शव अस्पतालमा नै रहेको छ ।
बिहीबार बिहान ७ बजेर २० मिनेटको समयमा प्रहरी टोलि घटना स्थलमा पुग्दा मोटरसाइकालमा पछाडी सवार बारा पर्सौनि नगरपालिका–५, बस्ने २० बर्षीय गोरख भन्ने रबिन्द्र मण्डल सडकबाट २०० फिट तल मृत अवस्थामा फेला परेको प्रहरीले जानकारी दिएको छ । रबिन्द्रको शव हेटौंडा अस्पतल मा ल्यइएको प्रहरीले जनाएको छ ।
