हेटौंडाः मकवानपुरको पहिलो जेसीज जेसीआई हेटौंडाको पूर्व अध्यक्ष क्लबको अध्यक्षमा धर्मकृष्ण श्रेष्ठ चयन हुनुभएको छ । शनिबार हेटौंडामा भएको पूर्वअध्यक्षहरुको साधारणसभाले श्रेष्ठलाई अध्यक्षमा चयन गरेको हो । उहाँ वर्ष सन् २००१ का अध्यक्ष हुनुहुन्छ ।
भेलाले वर्ष सन् २०१९ का अध्यक्ष सन्देश डिसीलाई पूर्व अध्यक्ष क्लबको सचिव चयन गरेको छ । जेसीआई हेटौंडा वर्ष २०२२ का पूर्वअध्यक्ष क्लबका अध्यक्ष माधवकुमार न्यौपानेको अध्यक्षतामा भएको साधारणसभामा २५ जना पूर्वअध्यक्षहरु सहभागी थिए । कार्यक्रममा नेपाल उद्योग वाणिज्य महासंघको केन्द्रीय सदस्यमा निर्वाचित भएका जेसीआई हेटौंडाको सन् २०१२ का अध्यक्ष कृष्ण कटुवाललाई सम्मान गरिएको थियो ।
संस्थालाई आवश्यक सल्लाह र सुझाव दिनुहुँदै सही मार्गदर्शन गर्न भूमिका खेल्ने पूर्वअध्यक्ष क्लबका अध्यक्ष श्रेष्ठले प्रतिबद्धता जनाउनुभएको छ । “जेसीज नेतृत्व र व्यक्तित्व विकाससँगै सामाजिक कार्यमा सक्रिय संस्था हो । मकवानपुरमा जेसीजप्रति आकर्षण बढ्दो छ,” पूर्वअध्यक्ष क्लबका अध्यक्ष श्रेष्ठले भन्नुभयो, “पूर्व अध्यक्षहरुको अनुभव अहिलेको नयाँ पुस्तालाई हस्तान्तरण गर्दै अघि बढ्नेछौं
