हेटौंडाः मकवानपुरको मकवानपुरगढी गाउँपालिका–३, मक्रान्चुलीस्थित जागरण बचत तथा ऋण सहकारी संस्था लिमिटेडको २४ औं स्थापना दिवसको अवसरमा आयोजित रक्तदान कार्यक्रमा १४ जनाले रक्तदान गरेका छन् ।
शनिबार बिहान सहकारीको आफ्नै भवनमा रक्तदान कार्यक्रमको आयोजना गरिएको थियो । १४ पिन्ट रगत संकलन भएको रक्तसञ्चार केन्द्रका प्राविधिक किशोर सापकोटाले जानकारी दिनुभयो । कार्यक्रमा ६ जना महिला ८ जना पुरुषले रक्तदान गरेका थिए । सहकारीले वार्षिकोत्सव अवसरमा रक्तदान गर्ने गरेको छ । पछिल्लो समय रक्तदान कार्यक्रम नियमित भइरहेकोले रक्तसञ्चार केन्द्र हेटौंडामा रगतको उपलब्धता सहज भएको रक्तसञ्चार केन्द्र हेटौंडाले जनाएको छ ।
