हेटौंडाः विज्ञान शिक्षक समाज नेपाल बकैयाले मंगलबार हाजिरीजवाफ प्रतियोगिता आयोजना गरेको छ । आसन्न एसईई परीक्षालाई लक्षित गरी सञ्चालन गरिएको प्रतियोगितामा छतिवनको महेन्द्र माध्यमिक विद्यालय प्रथम भएको छ ।
हाजिरीजवाफ प्रतियोगितामा हात्तीसुँडेमा रहेको बुद्ध माध्यमिक विद्यालय द्वितीय भएको छ । भिरकोटमा रहेको जनक माध्यमिक विद्यालय तृतीय भएको छ । प्रथम, द्वितीय र तृतीय हुने विद्यालयहरुलाई क्रमशः २ हजार रुपैयाँ, १ हजार ५ सय रुपैयाँ र १ हजार रुपैयाँ नगदसहित पुरस्कृत गरिएको छ । यसैगरी सान्त्वना हुने विद्यालयलाई पनि ५ सय रुपैयाँ नगदसहित पुरस्कृत गरिएको छ । एसईई दिने विद्यार्थीका लागि परीक्षाको तयारीस्वरुप विज्ञान विषयको हाजिरीजवाफ गराइएको विज्ञान शिक्षक सुवास खनालले जानकारी दिनुभयो ।
