हेटौंडाः हेटौंडा–७, नागस्वतीस्थित तासिर इङलिस सेकेण्डरी बोर्डिङ स्कुलमा बाल समूह गठन गरिएको छ । मंगलबार विद्यालयमा विद्यार्थीको भेलाबाट सृष्टि दवाडीको नेतृत्वमा तासिर बाल समूह गठन गरिएको हो ।
त्यस्तै बाल समूहको उपाध्यक्षमा रोजमेरी थिङ, सचिवमा अकक्षेप डंगोल, सह–सचिवमा स्वर्णिम महत, कोषाध्यक्षमा रिभा न्यौपाने र १० जना सदस्य गरी २५ सदस्यीय बाल समूह चयन गरिएको हो । यस्तै तासिर बाल समूहको संरक्षकमा स्कुलका शिक्षक सरल गौतम चयन हुनुभएको छ । बाल समूह गठन गर्न हेटौंडा उपमहानगरपालिका–७ का बालमैत्री वडा सहजकर्ता गोकर्ण लामाले सहजीकरण गर्नुभएको थियो । हेटौंडा उपमहानगरपालिकाले २०८० मङ्सिर मसान्तसम्म बालमैत्री स्थानीय पालिका घोषणा गर्ने लक्ष्य लिएको छ ।
