हेटौंडाः पूर्वी मकवानपुरको बकैया गाउँपालिकामा गाउँपालिकास्तरीय अन्तरविद्यालय छात्रा फुटबल प्रतियोगिता हुने भएको छ । यही फागुन २२ गतेदेखि २४ गतेसम्म प्रतियोगिता हुने बकैया गाउँपालिका खेलकुद विकास समितिका अध्यक्ष विजय लामा थिङले जानकारी दिनुभयो ।
होली तथा अन्तर्राष्ट्रिय नारी दिवसको अवसरमा प्रतियोगिता आयोजना गर्न लागेको अध्यक्ष लामाले बताउनुभयो । बकैया–३, हात्तीसुँडेस्थित बुद्ध माविको खेल मैदानमा प्रतियोगिता सञ्चालन हुनेछ । प्रतियोगितामा सहभागिता जनाउनका लागि शुक्रबारसम्म टिम दर्ता गर्नुपर्ने र शनिबार खेल तालिका सार्वजनिक गरिने जनाएको छ । यस्तै शिक्षकहरुबीच पनि फुटबल प्रतियोगिताको आयोजना गरिनेछ । शिक्षक तथा छात्रा दुवैतर्फका विजेता टिमले नगद १५ हजार रुपैयाँ प्राप्त गर्नेछ भने उपविजेताले नगद १० हजार रुपैयाँ प्राप्त गर्नेछ ।
