हेटौंडाः हेटौंडा–४ स्थित भूटनदेवी माध्यमिक विद्यालयमा अध्ययनरत् राजिव ठाकुर मेची–महाकाली साइकल यात्रा अभियानमा रहनु भएको छ । साइकल यात्राका क्रममा बुधबार हेटौंडा आइपुग्नु भएका राजिवलाई विद्यालयका शिक्षकहरुले खादा र अबिरसहित स्वागत गरेका छन् ।
“वातावरण जोगाऔं, प्राणीको संरक्षण गरौं” भन्ने उद्देश्यले गत फागुन ७ गतेदेखि राजिव मेची–महाकाली साइकल अभियानमा निस्कनुभएको हो । हेटौंडा आइपुग्नु भएका १५ वर्षीय राजिव मेची–महाकाली साइकल यात्रा अभियान अन्तर्गत चितवनतर्फ लाग्नुभएको छ । राजिवले आगामी फागुन १५ गतेसम्म मेची–महाकाली साइकल यात्रा सफल हुने लक्ष्य राखिएको भूटनदेवी माध्यमिक विद्यालयका सहायक प्रधानाध्यापक भरत पोख्ररेलले जानकारी दिनुभयो ।
