हेटौंडाः हेटौंडा–५, गर्दोइस्थित लक्ष्मी आधारभूत विद्यालयमा मंगलबार राती चोरी भएको छ । राती चोरले विद्यालयको प्रशासन शाखामा तोडफोड गरेर नगद २७ हजार रुपैयाँ चोरी गर्नुका साथै भौतिक क्षति पु¥याएको छ ।
यस्तै चोरहरुले भान्छासमेत तोडफोड गरी विद्यार्थीको दैनिक खाजाका लागि ल्याएको आलुको तरकारी पकाएर आलु तरकारी र चिउरा खाएर समेत गएका छन् । विद्यालयको कार्यालय सहयोगी बिहान ७ बजे विद्यालय पुग्दा चोरी भएको थाहा पाएको विद्यालयका प्रधानाध्यापक रामहरि मैनालीले जानकारी दिनुभएको छ । घटनाबारे प्रहरीलाई जानकारी गराइएको पनि प्रधानाध्यापक मैनालीले जानकारी दिनुभएको छ ।
