हेटौंडाः बिहीबार हेटौंडामा १८ जनाले रक्तदान गरेका छन् । रेडियो थाहासञ्चारको वार्षिकोत्सवको अवसरमा आयोजित साताव्यापी कार्यक्रमअन्तर्गत बिहीबार रेडियोको कार्यालय परिसर हेटौंडा–४ मा रक्तदान कार्यक्रम भएको हो ।
रक्तदान कार्यक्रममा रक्तसंचार केन्द्र हेटौंडाको प्राविधिक सहयोग रहेको थियो । रेडियोका सञ्चालक, कर्मचारी, स्थानीयले रक्तदान गरेका छन् । साताव्यापी कार्यक्रम अन्तर्गत रेडियोले हरेक वर्ष रक्तदान कार्यक्रम गर्दै आएको छ । रेडियो थाहासञ्चार सञ्चालनमा आएको १५ वर्ष पूरा गरी १६ औं वर्षमा प्रवेश गर्दैछ । फागुन महिनामा पहिलो पटक रक्तदान कार्यक्रम भएको हो ।
