हेटौंडाः लागुऔषध गाँजा ढुवानी गर्ने ट्रकका चालकलाई प्रहरीले पक्राउ गरेको छ । गत सोमबार पूर्व–पश्चिम राजमार्गअन्तर्गत मकवानपुरको मनहरी गाउँपालिका–९, ज्यामिरेबाट ना ६ ख ४५२० नम्बरको डिब्बा ट्रकबाट प्रहरीले १५८ केजी लागुऔषध गाँजा बरामद गरेको थियो ।
गाँजा ढुवानी गर्ने ट्रकका सहचालक पक्राउ परे पनि चालक भने फरार थिए । फरार चालक थाहा नगरपालिका–३, गोपालीगाउँका २७ वर्षीय रसाल गोपालीलाई मकवानपुर प्रहरीले बिहीबार हेटौंडा–१, हेटौंडा अस्पताल अगाडिबाट पक्राउ गरेको जनाएको छ । प्रहरीले सहचालक थाहा नगरपालिका–३, गोपालीगाउँका १८ वर्षीय विशाल गोपालीलाई सोमबार नै पक्राउ गरेको थियो ।
