हेटौंडाः मकवानपुर प्रहरीले लागुऔषधसहित दुई जनालाई पक्राउ गरेको छ । आइतबार दिउँसो ३ बजेको समयमा हेटौंडा–५, पिप्लेस्थित कृष्ण महतको घरमा लागुऔषधसहित मकवानपुरको थाहा नगरपालिका–३, डाडागाउँका २८ वर्षीय कपिल बिष्ट र पिप्लेका २९ वर्षीय प्रेम प्रसाद गौतमलाई पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
विष्टले पिप्लेमा कोठा भाडामा लिएर लागुऔषध कारोबार गरेको भन्ने विशेष सुचनाको आधारमा जिल्ला प्रहरी कार्यालय मकवानपुरबाट विशेष टोली खटेर उक्त कोठामा सुरक्षाजाँच गर्दा कोठाबाट लागुऔषध ३४ बोत्तल कोडिवेल र नाईट्रोभेट ट्याबलेट ९ वटा बरामद गरेको प्रहरीले जनाएको छ । प्रहरीले विष्टको कोठामा सुरक्षाजाँच गर्दा उक्त कोठामा पिप्ले गौतम पनि भएकोले र लागुऔषधसहित दुवै जनालाई पक्राउ गरेको जनाएको छ ।
