हेटौंडाः नेपाली राष्ट्रिय टिमका सदस्य हेटौंडाका अञ्जन विष्टले आज आइतबार भारतको आइ–लिगमा पहिलो खेल खेल्दैछन् । आइ–लिग क्लब मुम्बई केन्क्रेमा आवद्ध भएका अञ्जनले आज पहिलो खेल खेल्न लागेका हुन् ।
गोकुलम केरला फुटबल क्लब विरुद्ध ३२ नम्बर जर्सीमा अञ्जनले पहिलो खेल खेल्न लागेका हुन् । खेल नेपाली समय अनुसार आइतबार दिनको ४ बजेर ४५ मिनेटमा सुरु हुनेछ । १२ टिम सम्मिलित लिगमा अञ्जनको क्लब ११ औं स्थानमा छ भने आज प्रतिस्पर्धा हुने क्लब गोकुलम केरला चौथो स्थानमा छ ।
