हेटौंडाः जिल्ला प्रहरी कार्यालय मकवानपुरबाट खटिएको विशेष प्रहरी टोलिले २ जना फरार प्रतिवादी पक्राउ गरेको छ । चोरी र लागूऔषध मुद्दाको सजाय तोकिएको फरार प्रतिबादीलाई प्रहरीले मंगलबार पक्राउ गरेको हो ।
मकवानपुर जिल्ला अदालतबाट ४ वर्ष २ महिना कैद सजाय फैसला भई फरार रहेका चोरी मुद्दाका प्रतिवादीलाई प्रहरीले पक्राउ गरेको हो । चुरियामाई १ बस्ने ३६ वर्षीय केर्कु मोक्तान भन्ने राज कुमार मोक्तानलाई हेटौंडा २ बाट नियन्त्रणमा लिईएको हो ।
यस्तै, १ बर्ष १० महिना १० दिन कैद र ७० हजार रुपैयाँ जरिवाना फैसला भई फरार रहेका लागूऔषध वनरेक्स मुद्दाका प्रतिबादी हेटौंडा १८ हर्नामाडीका २७ वर्षीय रोशन मालबुलेलाई हेटौंडा १० स्थित बसपार्कबाट नियन्त्रणमा लिईएको हो । दुबैजनालाई प्रहरीले नियन्त्रणमा लिई जिल्ला अदालतमा बुझाईएको जनाएको छ ।
