हेटौंडाः हेटौंडा सामुदायिक आँखा अस्पताललाई ह्वीलचियर हस्तान्तरण गरिएको छ । रोटरी क्लब अफ मकवानपुरले मंगलबार हेटौंडा सामुदायिक आँखा अस्पताललाई २ थान ह्वील चियर हस्तान्तरण गरेको हो ।
रोटरी क्लब अफ मकवानपुरका संस्थापक अध्यक्ष ज्ञानकृष्ण प्रजापति र कार्यक्रम संयोजक कृष्ण बहादुर कार्कीले संयुक्त रुपमा हेटौंडा आँखा अस्पतालका प्रमुख सुनिल थकालीलाई २ थान ह्वील चियर हस्तान्तरण गरिएको हो । कार्यक्रममा हेटौंडा सामुदायिक आँखा अस्पतालका वरिष्ठ प्रशासनिक अधिकृत सुधीर श्रेष्ठ, वरिष्ठ पत्रकार प्रताप विष्ट, रोट्र्याक्ट क्लब अफ मकवानपुरका अध्यक्ष प्रदिप कुमार राईको उपस्थिति रहेको थियो ।
