हेटौंडाः समृद्ध युवा बचत कोषद्वारा आज शनिबार नागश्वती पार्कमा सरसफाई गरिएको छ । बचत कोषको स्थापना दिवसको अवसरमा हेटौंडा उपमहानगरपालिका वडा नम्बर ७ मा रहेको नागश्वती पार्कको सरसफाइ गरिएको हो ।
सरसफाई कार्यक्रम समृद्ध युवा बचत कोषको अध्यक्ष दिपेश लामिछानेको सभाध्यक्षतामा भएको थियो । त्यस्तै कार्यक्रममा समृद्ध युवा बचत कोषका पुर्व अध्यक्ष युवराज गौतम, ७ नम्बर पुर्व वडा सचिव केदार दाहाल र कोष समितिका सदस्यहरुको उपस्थितिमा पार्क वरिपरिको दुबो झार, प्लास्टिक र झाडी फाड्ने काम गरिएको हो ।
लामिछानेका अनुसार उक्त क्षेत्र वडाको धार्मिक र पर्यटकीय क्षेत्र रहेकोले यसलाइ सबै मिलेर सफा र स्वच्छ बनाउनु पर्छ भनेर सरसफाई गरिएको हो ।
त्यस्तै लामिछानेले बालबालिकाको लागि सिर्जनात्मक र रचनात्मक कार्यमा जोड दिन चाडै हाजिरीजवाफ कार्यक्रम हुने समेत बताउनुभयो ।
