हेटौंडाः हेटौंडा–११, नवलपुरका सुमन लुइटेलको दुर्घटनामा परी चितवन जिल्लाको रत्ननगरमा मृत्यु भएको छ ।
मंगलबार साँझ ५ बजेर २५ मिनेटको समयमा हेटौंडाबाट चितवनतर्फ जाँदै गरेको ना ८ ख २५५५ नम्बरको तेल ट्याङकरले सोही दिशातर्फ जाँदै गरेको ना ३५ प ८७५६ नम्बरको मोटरसाइकललाई ठक्कर दिँदा २६ वर्षीय लुइटेलको घटनास्थलमै मृत्यु भएको बागमती प्रदेश प्रहरी कार्यालयले जनाएको छ ।
मोटरसाइकलमा सवार सुमनकी छोरी ९ वर्षीया सोभानी लुईटेल सामान्य घाईते भई नयाँ मेडिकल कलेज भरतपुरमा उपचार भइरहेको प्रहरीले जनाएको छ । ठक्कर दिने ट्याङकर र चालक प्रहरीको नियन्त्रणमा रहेको बताइएको छ ।
