हेटौंडाः हेटौंडा—४ स्थित भुटनदेवी माध्यमिक विद्यालयको कक्षा—११ का विद्यार्थीलाई स्वागत गरिएको छ । कक्षा—१२ मा अध्ययनरत विद्यार्थीले ११ कक्षामा अध्ययन गर्न आएका नवविद्यार्थीलाई शुक्रबार स्वागत गरेका हुन् ।
कक्षा—१२ मा अध्ययनरत विद्यार्थी रोज पाख्रिनको सभाध्यक्ष तथा भूटनदेवी माध्यमिक विद्यालयका प्रधानाध्यापक माधव दाहालको प्रमुख आतिथ्यमा कार्यक्रम भएको हो । भुटनदेवीमा सिभिल ईन्जिनियरिङ, वाणिज्य संकाय र विज्ञान संकायको अध्ययन अध्यापन हुँदै आएको छ ।
कक्षा—११ मा १ सय ४८ जना विद्यार्थी अध्ययनरत् रहेको भुटनदेवी माध्यमिक विद्यालयका शिक्षक विक्रम सुवेदीले जानकारी दिनुभयो । यस्तै, सांस्कृतिक कार्यक्रम समेत गरिएको थियो ।
