हेटौंडाः हेटौंडा—१९, बस्तीपुरस्थित निर्मल माध्यमिक विद्यालयमा छात्रावास भवन तयार भएको छ । हेटौंडा उपमहानगरपालिकाको आर्थिक अनुदानमा ८ कोठे छात्रावास भवनको निर्माण भएको निर्मल माविका प्रधानाध्यापक प्रबोध बिडारीले जानकारी दिनुभयो ।
हेटौंडा उपमहानगरपालिकाकी प्रमुख मिनाकुमारी लामाले भवनको उद्घाटन गर्नुहुने उहाँले बताउनुभयो । शुक्रबार दिउँसो १ बजे भवन उद्घाटन हुँदैछ । ८ कोठे छात्रावास भवनमा करिब ८० जना छात्राहरु आश्रित हुने बिडारीले जानकारी दिनुभयो ।
