हेटौंडाः २०७८ सालको एसईई परीक्षाको ग्रेडवृद्धि परीक्षा नजिकिएको छ । आगामी भाद्र ११ गते र १२ गते देशव्यापीरुपमा ग्रेडवृद्धि परीक्षा हुँदैछ ।
परीक्षाका लागि मकवानपुरमा सात वटा केन्द्र तोकिएको छ ।
हेटौंडा–४ स्थित आधुनिक राष्ट्रिय मावि र भूटनदेवी मावि, हेटौंडा–२ स्थित सिद्धार्थ मावि र बालजागृति इङ्लिस स्कूलमा परीक्षा केन्द्र तोकिएको छ । यस्तै, हेटौंडा–९ स्थित प्रगति मावि, हेटौंडा–८ स्थित चन्द्रोदय मावि र हेटौंडा–११ स्थित त्रिभुवन माविमा पनि ग्रेडवृद्धि परीक्षाको केन्द्र निर्धारण गरिएको शिक्षा विकास तथा समन्वय इकाई मकवानपुरका प्रमुख दीनानाथ गौतमले बताउनुभयो ।
ग्रेडवृद्धि परीक्षाका लागि मकवानपुर जिल्लाका २ हजार ५ सय ६८ जना परीक्षार्थीले फारम भरेको उहाँले बताउनुभयो । धेरैजसो गणित र विज्ञान विषयको ग्रेडवृद्धि परीक्षा दिन फारम भरेको उहाँले बताउनुभयो ।
