हेटौंडाः लागु औषध गाँजासहित एक जना महिलालाई प्रहरीले नियन्त्रणमा लिएको छ । १ किलो ४ सय ग्राम गाँजासहित प्रहरीले बकैया–५ बस्ने फुलमाया भुलुनलाई पक्राउ गरेको हो ।
शनिबार दिउँसो १ बजेको समयमा विशेष सूचनाको आधारमा प्रहरी चौकी हात्तीसुडेबाट खटिएको प्रहरी टोलीले राक्सीराङ–१ स्थायी घर भई हाल बकैया वडा नम्बर ५ कर्मचुली बस्ने ३५ वर्षीयाकी फुलमाया भुलुनलाई नियन्त्रणमा लिएको हो । भुलुनको घरमा चेकजाँच गर्दा निजको घर भित्र लुकाई छपाई राखेको अबस्थामा लागु औषध गाँजा १ किलो ४ सय ग्राम फेला परेको थियो । प्रहरीले लागु औषध गाँजासहित भुलुनलाई नियन्त्रणमा लिई थप अनुसन्धान गरिरहेको जनाएको छ ।
