हेटौंडाः मकवानपुरको ईन्द्रसरोवर गाउँपालिका–२, कुलेखानी सिमखोलामा जीप दुर्घटनामा मृत्यु हुनेको संख्या ४ पुगेको छ । दुईजनाको घटनास्थलमै मृत्यु भएको थियो भने २ जनाको उपचारको क्रममा अस्पतालमा मृत्यु भएको हो । मृत्यु हुनेको सनाखत हुन सकेको छैन ।
उपचारका लागि काठमाडौंतर्फ लगेको एकजनाको उपचारको क्रममा मृत्यु भएको हो भने अर्को एकजनाको हेटौंडास्थित चुरेहिल अस्पतालमा उपचारको क्रममा मृत्यु भएको प्रहरीले जनाएको छ । बीरगन्जबाट काठमाडौं जाँदै गरेको ना ४ च २३१५ नम्बरको योद्धामा चालकसहित ८ जना सवार थिए । शनिबार साँझ ५ बजेको समयमा दुर्घटना भएको इलाका प्रहरी कार्यालय भीमफेदीका प्रहरी निरीक्षक प्रतिमा कार्कीले जानकारी दिनुभयो । जीप चालक बीरगन्ज–१४, श्रीपुरका ३४ बर्षीय कमलेश राउत सामान्य घाइते भएको र उनी प्रहरी नियन्त्रणमा रहेका छन् ।
