हेटौंडाः प्रथम बागमती प्रदेश खेलकुद प्रतियोगता अन्तर्गत महिला फुटबलको उपाधी मकवानपुरले जितेको छ । काभ्रेको धुलिखेल नगरपालिकामा आज शनिबार भएकोे फाइनल खेलमा धादिङलाई १–० गोलअन्तरले हराउँदै मकवानपुरले उपाधी जितेको हो ।
मकवानपुरलाई उपाधी हात पार्न सञ्जिता बोम्जनले निर्णायक गोल गरिन् । खेलको अन्तिम इन्जुरी समयमा बोम्जनले गोल गरिन् । मकवानपुर सिन्धुलीलाई हराउँदै फाइनल प्रवेश गरेको हो भने धादिङले दोलखालाई ३–१ गोलले पराजित गरेर फाइनल प्रवेश गरेको थियो । पुरस्कार वितरण भने बेलुका मात्र हुने मकवानपुर महिला फुटबल टिमका प्रशिक्षक भीम लामाले जानकारी दिनुभयो ।
