हेटौंडाः हेटौंडा–१९, बस्तिपुरमा राप्तीखोलाको काठेपुल भाचिँएर ट्याक्टर दुर्घटना हुँदा बिहीबार बिहान एकजनाको मृत्यु भएको छ ।
बिहीबार बिहान २ बजेको समयमा बस्तीपुर भुन्द्रङबाट पूर्वपश्चिम राजमार्गतर्फ आउँदै गरेको ना ६ त १८४५ नम्बरको ट्याक्टर दुर्घटना हुँदा मकवानपुरको राक्सिराङ गाउँपालिका–८ का २८ बर्षीय सागर स्याङ्तानको मृत्यु भएको जिल्ला प्रहरी कार्यालय मकवानपुरले जनाएको छ । राप्ती खोलाको काठको पुल पार गर्ने क्रममा पुल भाँचिएर दुर्घटना भएको प्रहरीले जानकारी दिएको छ ।
काठको पुल भाँचिएर दुर्घटना भई ट्याक्टरले च्यापिएर ट्याक्टर चालक स्याङ्तानको घटनास्थलमै मृत्यु भएको प्रहरीले जनाएको छ । बिहान २ बजे दुर्घटना भए पनि प्रहरीले करिब साढे ३ बजे मात्रै घटनाबारे जानकारी प्राप्त भएको जनाएको छ ।
