हेटौंडाः नेपाली कांग्रेस मकवानपुरका सभापति बुद्ध लामाले १० जनालाई जिल्ला कार्यसमिति सदस्यमा मनोनित गर्नुभएको छ ।
बुधबार सभापति लामाले जिल्ला समिति सदस्यमा प्रभात कुमार दाहाल, रामबाबु बानियाँ, गोपीलाल बिक, अर्जुनप्रसाद चौलागाई, राजु खतिवडा, अर्जुन तिवारी, अञ्जना उपाध्याय, मोमलाल दोङ, भुवनलाल श्रेष्ठ र नुरोज पौडेललाई जिल्ला कार्यसमिति सदस्यमा मनोनित गर्नुभएको हो ।
कांग्रेस मकवानपुर सचिव भीमसेन महतले बुधबार एक विज्ञप्ति जारी गरेर मनोनयन बारे जानकारी दिनुभएको हो । फागुन १५ गते सम्पन्न जिल्ला अधिवेशनबाट बुद्ध लामाको नेतृत्वमा ४८ सदस्यीय कांग्रेस मकवानपुर जिल्ला समिति चयन भएको थियो ।
