हेटौंडाः जिल्ला प्रहरी कार्यालय मकवानपुरबाट खटिएको प्रहरी टोलीले मंगलबार अबैध कपडासहित दुई जनालाई पक्राउ गरेको छ । मंगलबार दिउँसो ४ बजेको समयमा हेटौंडा १० पुर्व पश्चिम सडकखण्डबाट अबैध कपडासहित प्रहरीले २ जनालाई पक्राउ गरेको हो ।
प्रहरीले झोलासहित शंकास्पद रुपमा बसेका पर्सा जिल्ला वीरगंज महानगरपालिका वडा नम्बर ३ बस्ने १९ वर्षीय तवकिर जोगी र वडा नम्बर २ बस्ने १८ वर्षीय निराज आलमलाई पक्राउ गरेको हो । झोला चेकजाँच गर्दा अबैध रुपमा भन्सार छली ल्याएको कुर्ता सुरुवाल, सुरुवालको थानको कपडा, टावल गरी अन्दाजी १ लाख ५हजार ७ सय रुपैयाँ बराबरको कपडा सहित नियन्त्रणमा लिएको छ । उनीहरुलाई नियन्त्रणमा लिई आवश्यक कारवाहिको लागी राजश्व अनुसन्धान कार्यालय पथलैया बारा पठाईएको जिल्ला प्रहरी कार्यालय मकवानपुरले जनाएको छ ।
