हेटौंडाः साहित्य संगम मकवानपुरको आयोजनामा भर्चुअल माध्यमबाट मुक्तक वाचन कार्यक्रम भएको छ । मंगलबार भएको कार्यक्रममा डडेल्धुराका पार्वती भट्ट, मकवानपुरका बिर्खे अन्जान, नेपालगञ्जका नमिता बराल, सिन्धुलीका बिर्ख वाईबा तामाङ र काभ्रेकी मीना चौलागार्ईंले मुक्तक वाचन गर्नुभएको थियो ।
मुक्तककार रुद्र अधिकारीको प्रमुख आतिथ्यता तथा संगमकी अध्यक्ष अनिता न्यौपानेको सभाध्यक्षतामा कार्यक्रम भएको थियो । कार्यक्रममा संगमका उपाध्यक्ष सानु खनालले स्वागत मन्तव्य राख्नुभएको थियो । मुक्तक वाचन कार्यक्रममा सुवास खनाल, निमेष निखिल, दीपक गौतम, विश्वनाथ सञ्जेल, रजनी अधिकारी, रजनी पौडेल, घनश्याम पौडेललगायतको उपस्थिति रहेको थियो ।
