हेटौंडाः रोट्र्याक्ट क्लब अफ मकवानपुरको आयोजनामा मंगलबार हेटौंडाको बुुद्धचोकमा रक्तदान कार्यक्रम भएको छ । कार्यक्रममा २० जनाले रक्तदान गरेका छन् ।
रक्तसञ्चार केन्द्र हेटौंडाको प्राविधिक सहयोगमा रक्तदान कार्र्यक्रम भएको हो । रोटरी क्लब अफ मकवानपुरका निर्वाचित अध्यक्ष कृष्ण बहादुर कार्कीको प्रमुख आतिथ्य तथा रोट्र्याक्ट क्लब अफ मकवानपुरकी अध्यक्ष प्रतिक्षा न्यौपानेको अध्यक्षतामा रक्तदान कार्यक्रम भएको हो । कार्यक्रममा रोटरी क्लब अफ मकवानपुरका निवर्तमान अध्यक्ष कविन संगामीको पनि उपस्थिति रहेको थियो ।
