हेटौंडाः मकवानपुर प्रहरीले ३० किलो ५ सय ग्राम लागुऔषधसहित २ जनालाई पक्राउ गरेको छ । पक्राउ पर्नेमा एन एल ०१ सी ३६५४ नम्बरको भारतीय स्कार्पिओ गाडीका चालक धनुषा जिल्लाको नगराइन नगरपालिका–२ का ३४ बर्षीय सुबोध मण्डल र गाडीमा सवार पर्सा जिल्लाको सुगौली गाउँपालिका–३ का ३९ बर्षीय मुकेश राउत रहेको छ ।
आज शुक्रबार बिहान ७ बजेर ३० मिनेटको समयमा हेटौंडा–१५ स्थित पुर्वपश्चिम सडकखण्डमा जिल्ला प्रहरी कार्यालय मकवानपुर र इलाका प्रहरी कार्यालय पशुपतिनगरबाट खटिएको टोलीले हेटौंडाबाट विरगंजतर्फ जाँदै गरेको उक्त गाडीलाई रोकी सुरुक्षाजाँच गर्दा लुकाई छिपाई ल्याएको गाँजा फेला पारेको हो ।
प्रहरी उनीहरुलाई आज शुक्रबार ११ बजे पत्रकार सम्मेलन गरी सार्वजनिक गरेको हो । घटनाबारे थप अनुसन्धान भइरहेको जिल्ला प्रहरी कार्यालय मकवानपुरका प्रहरी निरीक्षक देवेन्द्र दासले बताउनुभयो ।
