हेटौंडाः गणित शिक्षा परिषद् मकवानपुरको आयोजनामा मकवानपुरढी गाउँपालिकाका शिक्षकहरुका लागि एक दिवसीय प्रविधिमैत्री गणित शिक्षक एवम् गणित प्रयोगशाला निर्माणसम्बन्धी तालिम सम्पन्न भएको छ । गत मंसिर २७ गते गणित शिक्षा परिषद् मकवानपुरका अध्यक्ष धनिकलाल साहको सभाध्यक्षतामा तालिम भएको हो ।
मकवानपुरगढी ३ नं. वडा अध्यक्ष भागवत घिमिरेको प्रमुख आतिथ्यमा भएको कार्यक्रममा जिल्ला परिषद्का सहसचिव ईन्द्रबहादुर कार्की र मानबहादुर घलानले सहजीकरण गर्नुहुँदै तालिमको औचित्यमाथि प्रकाश पार्नुभएको थियो । यस्तै कार्यक्रममा भानु माविका गणित शिक्षक बिमल दहालको संयोजकत्वमा ११ सदस्यीय मकवानपुरगढी गाउँपालिका गणित शिक्षा परिषद् गठन भएको छ ।
परिषद्ले गाउँपालिकाका प्रत्येक विद्यालयमा प्रविधिमैत्री गणित शिक्षक तालिम आयोजना गर्नुका साथै गणित प्रयोगशाला निर्माण गर्नेसमेत जनाइएको छ ।
