हेटौंडाः हेटौंडा–९ स्थित मानव सेवा आश्रमले ४ जनाको उद्धार गरेको छ । शनिबार हेटौंडा–१० को विभिन्न स्थानबाट २ भारतीय नागरिक सहित २ नेपालीहरुको उद्धार गरेको मानव सेवा आश्रम हेटौंडाका अभियान्ता होमनाथ पौडेलले जानकारी दिनुभयो ।
उद्धार गरेकोमा २ भारतीय नागरिक ४८ बर्षीय कम्लेरा नाथ र ४४ बर्षीय उदया हस्ता रहेको छ । यस्तै नेपाली नागरिक ३५ बर्षीय चन्दा पौडेल र ३३ बर्षीय कृष्ण भुजेल रहेको छ । उद्धार गरिएको ४ जनाको परिवार, ठेगानाको बारेमा खोजी भइरहेको अभियान्ता पौडेलले जानकारी दिनुभयो । उनीहरुको परिवार छन् भने पारिवारिक पुर्नमिलन गर्ने र यदि परिवारविहिन, सडक सहयोगापेक्षी भएमा मानव सेवा आश्रम हेटौंडाले संरक्षण गर्ने पनि अभियान्ता पौडेलले बताउनुभयो ।
