हेटौंडाः मकवानपुरको भिमफेदी गाउँपालिका वडा नं. ८ सिस्नेरी स्थित कोगटे खोलामा डुबेर बेपत्ता भएका शितब बडालको शब भेटिएको छ । शनिबार दिउँसो साँढे १ बजेको समयमा खेला छेउमा बस्ने क्रममा चिप्लिएर बेपत्ता भएका ललितपुर जिल्लाका १९ बर्षीय बडालको साँझ ६ बजे शब भेटिएको हो ।
बेपत्ता बडाललाई नेपाली सेना, नेपाल प्रहरीसहित संयुक्त टोलीहरुले जेसिभीको प्रयोग गरी खोजी गरेको थियो । वडालको शबलाई पोष्टमार्टमको लागि हेटौंडा अस्पताल ल्याउने तयारी भइरहेको इलाका प्रहरी कार्यालय भीमफेदीले जनाएको छ । प्रहरीका अनुसार बेपत्ता भएका बडालसहित ६ जनाको टोली घुम्न आएका थिए ।
बडाल चिप्लिएको ठाउँमा पानी जमेको ठुलो खाल्डो भएका कारण उक्त स्थानको पानी जेसिभीद्वारा खोलेर बडालको खोजी गरिएको थियो ।
