हेटौंडाः मकवानपुरको भिमफेदी–८ सिस्नेरी स्थित कोगटे खोलामा डुबेर १ जना बेपत्ता भएका छन् । शनिबार दिउँसो साँढे १ बजेको समयमा खेला छेउमा बस्ने क्रममा चिप्लिएर ललितपुर जिल्लाको १९ बर्षीय सितब बडाल बेपत्ता भएको इलाका प्रहरी कार्यालय भिमफेदीले जनाएको छ ।
प्रहरीका अनुसार बेपत्ता भएका बडालसहित ६ जनाको टोली घुम्न आएका थिए । बडाल चिप्लिएको ठाउँमा पानी जमेको ठुलो खाल्डो भएका कारण उक्त स्थानको पानी जेसिभीद्वारा खोलेर बडालको खोजी कार्य भइरहेको छ । बेपत्ता बडाललाई नेपाली सेना, नेपाल प्रहरीसहित संयुक्त टोलीहरुले खोजी गरिरहेको जनाइएको छ ।
