हेटौंडाः मकवानपुरको राक्सिराङ वडा नम्बर ६ र ८ का ७ जना युवाहरु कांग्रेस र माओवादी पार्टी परित्याग गरेर एमाले प्रवेश गरेका छन् । आइतबार नेकपा एमाले मकवापनुरको पार्टि कार्यालय हेटौंडामा नेकपा एमालेको केन्द्रिय सदस्य रामेश्वर राना, प्रदेश सदस्य अनन्त पौडेल र जिल्ला अध्यक्ष एकलाल श्रेष्ठले उनीहरुलाई पार्टीमा प्रवेश गराएका हुन् ।
एमालेमा प्रवेश गरेका पूर्व माओवादी केन्द्रका सन्च बहादुर प्रजाले राक्सिराङ–८ मा अब माओवादीले कब्जा गर्न नसक्ने बताउनुभयो । माओवादीमा लामो समय बिताएका प्रजाले दिगो राजनीति गर्नको लागि पार्टी प्रवेश गरेको बताउनुभयो । राक्सिराङ–८ का युवाहरु अब विस्तारै सबै एमालेमा प्रवेश गर्ने उहाँले बताउनुभयो ।
