हेटौंडाः नेपाल विद्युत प्राधिकरणको ३६ औ बार्षिक उत्सवको अवसरमा बागमती प्रदेश डिभिजन कार्यालय हेटौंडाको आयोजनामा ब्याडमिन्टन प्रतियोगिता भएको छ । डिभिजन अन्र्तगत भौगोलिक क्षेत्रमा पर्ने नेपाल विद्युत प्राधिकरणका विभिन्न कार्यालयको सहभागितामा ब्याडमिन्टन प्रतियोगिता सम्पन्न भएको हो । प्रतियोगितामा बिभिन्न कार्यालयका २७ टिमको सहभागिता रहेको ब्याडमिन्टन प्रतियोगिताका संयोजक ईन्जिनियर प्रितमराज विष्टले बताउनुभयो ।
प्रतियोगिताको महिला तर्फ डिभिजन कार्यालयका शर्मिला राना प्रथम, भरतपुर वितरण केन्द्रका संगिता शर्मा दोस्रो र रत्ननगर टाँडी वितरण केन्द्रका देवी कोइराला तेस्रो हुनु भएको छ ।
यस्तै ब्याडमिन्टन प्रतियोगिताको पुरुष तर्फकोे एकल खेलमा पालुङ वितरण केन्द्रका विनोद अधिकारी प्रथम, कुलेखानी तेस्रोका नारायण बखरेल दोस्रो र रत्ननगर टाँडी वितरण केन्द्रका भोजराज बराल तेस्रो हुुनु भएको छ । यस्तै पुरुष डवल प्रतियोगिता तर्फ कुलेखानी तेस्रो जलविद्युत केन्द्रका २ टिम प्रथम र दोस्रो ,कुलेखानी प्रथम जलविद्युत केन्द्रका टिम तेस्रो भएको प्रतियोगिताका संयोजक विष्टले बताउनु भएको छ ।
