हेटौंडाः बाराको जितपुर सिमरा उपमहानगर–२२ को ११ वर्षिय सुनिता सुनार शुक्रबार भेटिएकी छिन् । साउन १९ गतेबाट उनलाई बेपत्ता बनाइएको थियो । ११ वर्षिय सुनार सहित उनलाई बेपत्ता बनाउने मकवानपुरको हेटौंडा–११ का विमला मगरलाई प्रहरीले चितवनको भण्डाराबाट फेला पारेको हो ।
उनीहरुलाई जिल्ला प्रहरी कार्यालय मकवानपुरमा ल्याएर सोधपुछ गर्दा अपहरण शैलि नभएको पाइएको प्रहरी प्रवक्ता देवेन्द्र दासले जानकारी दिनुभयो । उहाँले ११ वर्षिय सुनार नै पछ्याएर उनीहरुसँग काठमाडौं गएको र धेरै रोएर घर फर्कादे भनेपछि शुक्रबार बारा जान लागेको बताएको प्रहरीले जनाएको छ । अहिले उनीहरुलाई जिल्ला प्रहरी कार्यालय बारा लगिएको छ ।
