हेटौंडाः ब्याचलर अफ बिजनेस म्यानेजमेन्ट (बीबीएम) संकायको पाँचौं सेमेष्टरको परीक्षामा मकवानपुर बहुमुखी क्याम्पसकी विद्यार्थी मनिषा लुईंटेल नेपाल प्रथम भएकी छिन् । शुक्रबार प्रकाशित नतिजामा उनी एसजीपीए ३ दशमलब ९ अंकसहित नेपाल प्रथम भएकी हुन् ।
यस्तै, मकवानपुर बहुमुखी क्याम्पसकै अर्की विद्यार्थी प्रजिता सुवेदी नेपाल द्वितीय भएकी छिन् । उनले एसजीपीए ३ दशमलब ८८ अंक प्राप्त गरेकी छिन् । उनीहरुसहित पाँचौं सेमेष्टरका सम्पूर्ण विद्यार्थीहरु प्रथम श्रेणीको नतिजासहित पास भएका छन् । योसँगै क्याम्पसले बीबीएम पाँचौं सेमेष्टरमा शतप्रतिशत नतिजा प्राप्त गरेको छ ।
