हेटौंडाः हेटौंडा–५, पिप्लेस्थित संजीवनी बचत तथा ऋण सहकारी संस्था लिमिटेड २१ औं बर्षमा प्रवेश गरेको छ । शनिबार एक समारोहको आयोजना गरेर सहकारीले स्थापना दिवस मनाएको छ ।
सहकारीका सञ्चालक समितिका पदाधिकारीहरु तथा कर्मचारीहरुले स्थापना दिवस मनाउनुका साथै शुभकामना आदानप्रदान गरेका थिए । सहकारीकी अध्यक्ष जानकी चौधरीको सभाध्यक्षतामा कार्यक्रम भएको थियो । कार्यक्रममा सहकारीका संस्थापक अध्यक्ष पूर्ण बहादुर खनालको प्रमुख आतिथ्य रहेको थियो भने पूर्व अध्यक्ष रण बहादुर कार्कीको आतिथ्य रहेको थियो ।
