हेटौंडाः आइतबार हेटौंडामा स्वाब संकलन गराउनेको संख्या बढेको छ । आइतबार हेटौंडामा १ सय ३५ जनाले स्वाब संकलन गराएका छन् ।
कोभिड १९ को आरटी/पिसिआर विधिबाट परिक्षण गर्ने क्रममा हेटौडा–१० स्थित गोरक्षश्वर धाममा रहेको स्वाब संकलन केन्द्रबाट आइतबार १ सय ३५ जनाले स्वाब संकलन गरिएको हेटौंडा उपमहानगरपालिकाका जनस्वास्थ्य निरिक्षक भोला चौलागाईले जानकारी दिनुभयो ।
स्वाब संकलन गराउनेमा ५५ जना महिला र ८० जना पुरुष रहेका छन् । शनिबार स्वाब संकलन बन्द रहेको थियो भने शुक्रबार १ सय १० जनाले मात्र स्वाब संकलन गराएका थिए ।
