हेटौंडाः मकवानपुर प्रहरीले १० किलो ७४० ग्राम लागुऔषध गाँजासहित १ जनालाई पक्राउ गरेको छ ।
आइतबार मकवानपुरको मनहरी गाउँपालिका–८ सिमपानि स्थित पुर्वपश्चिम लोकमार्ग सडकखण्डमा मनहरीबाट हेटौडा तर्फ आउँदै गरेको ना २ ह ३४६८ नम्बरको अटोलाई रोकेर चेकजाँच गर्दा अटोभित्र लुकाएर ल्याएको लागुऔषध गाँजा १० किलो ७४० ग्राम प्रहरीले फेला पारेको हो ।
प्रहरीले अटोमा लागूऔषध ल्याउने मकवानपुरको राक्सिराङ–८ को २६ बर्षीय सुदिप मोक्तानलाई पक्राउ गरी अनुसन्धान अघि बढाएको जिल्ला प्रहरी कार्यालय मकवानपुरको निमित्त प्रहरी प्रवक्ता देवेन्द्र दासले जानकारी दिनुभयो ।
