हेटौंडाः सचेत नागरिक युवा समुहको कोहि भोको नरहुन भन्ने उद्देश्य अनुरूप बन्दाबन्दिको समयमा समाजका आवश्यक बर्गलाई समुदायिक प्रहरी सेवा उपकेन्द्र हेटौंडा–१० को सहकार्यमा ३० परिवारलाई खाद्यान्न सहयोग गरेको छ ।
समूहका अध्यक्ष शिवनारायण श्रेष्ठको अध्यक्षता तथा मारवाडी सेवा समिति मकवानपुरका अध्यक्ष पवन अग्रवालको प्रमुख आतिथ्यमा खाद्यान्न वितरण कार्यक्रम भएको हो । सचेत नागरिक युवा समुहले गत शनिबार पनि खाद्यान्न वितरण गरेको थियो । गत शनिबार खाद्यान्न नपाएका ३० परिवारलाई बिहीबार सहयोग गरिएको हो । हेटौंडा–२, मानसचोक, मनकामनाचोक, हेटौंडा–१०, न्यूरेनी र हेटौंडाको बैंकरोड क्षेत्रका विपन्न परिवारलाई खाद्यान्न सहयोग गरिएको सचेत नागरिक युवा समुहका सचिव नबिन जोशिले जानकारी दिनुभयो ।
सचेत नागरिक युवा समुहले केहि दिन अघिबाट बजार क्षेत्रमा कार्यरत ट्राफिक प्रहरीलाई दिवा भोजन र पानी बितरण पनि गर्दै आईरहेको छ । कार्यक्रममा समुहका उपाध्यक्ष अनल श्रेष्ठ सदस्यहरू सर्मिला श्रेष्ठ, सन्जिब श्रेष्ठ, चुडाराज उप्रेती, अजित मानन्धर र सामुदायिक प्रहरी उप-सेवा केन्द्रका प्रदिप राज कडेल सहभागी थिए ।
