हेटौंडाः मकवानपुरको उत्तरी क्षेत्र थाहा नगरले विद्यालयको आन्तरिक मुल्यांकनबाटै नजिता प्रकाशन गर्ने भएको छ । कक्षा एक देखि ७ सम्म र ९ कक्षाको वार्षिक नतिजा विद्यालयले आन्तरिक मुल्यांकनबाट सार्वजनिक गर्न नगरले सुचना जारी गरेको नगर शिक्षा अधिकारी शोभाकर रेग्मीले बताउनुभयो ।
कक्षा–८ को भने विषयगत मूल्यांकन फारम र मार्कलेजर बनाई विषयगत कक्षा शिक्षक, परीक्षा संयोजक र प्रधानाध्यापकले प्रमाणित गर्नुपर्ने नगर शिक्षा अधिकारी जानकारी दिनुभयो । उहाँका अनुसार विद्यालयले सोको एक प्रति विद्यालयमा राख्ने, एक प्रति सार्वजनिक गर्ने र एक प्रति नगरलाई उपलब्ध गराउनुपर्नेछ । थाहा नगरले आउँदो असार १ गतेबाट नयाँ शैक्षिक सत्र सुरु गर्न विद्यालयहरुलाई निर्देशन समेत दिएको छ ।
