हेटौंडाः लागूऔषध खैरो हेरोईन जस्तो देखिने बस्तुसहित मकवानपुर प्रहरीले ४ जनालाई नियन्त्रणमा लिएको छ । प्रहरीले बुधबार साँझ हेटौंडा–१ स्थित राप्ती होटलबाट खैरो हेरोईन जस्तो देखिने ४५० मिलिग्रामसहित पक्राउ गरेको जनाएको छ ।
विशेष सूचनाको आधारमा बुधबार साँझ ५ बजेको समयमा उनीहरुलाई नियन्त्रणमा लिएको जनाइएको छ । पक्राउ पर्नेमा हेटौंडा–११ का २४ बर्षीय ठाकुर गजुरेल, २० बर्षीय हिमाल बर्तौला, हेटौंडा–१, चौकीटोलका २७ बर्षीय बिशाल पौडेल र हेटौंडा–४, हुप्रचौरका ३० बर्षीय साजन जोशी रहेको प्रहरीले जनाएको छ । उनीहरुलाई नियन्त्रणमा लिई अनुसन्धान भइरहेको प्रहरी प्रवक्ता प्रहरी नायव उपरीक्षक जयश्वर रिमालले जानकारी दिनुभएको छ ।
