हेटौंडाः जेसीआई बसामाडीको स्थापना दिवसको अवसरमा बालगृहलाई सहयोग गरिएको छ । स्थापना दिवसको अवसरमा सोमबार हेटौंडा–५ स्थित हाम्रो घर (बालगृह) मा मास्क, साबुनसहित नगद ५ हजार ५ रुपैयाँ सहयोग गरिएको जेसीआई बसामाडीका अध्यक्ष गौतम केसीले जानकारी दिनुभएको छ ।
मानवताको सेवा नै जीवनको सर्वोत्तम कार्य हो भन्ने मूल आस्थालाई आत्मसाथ गर्दै जेसीआई बसामाडी सन् १९९९ मा स्थापित भएको हो । जेसीआई बसामाडीका अध्यक्ष गौतम केसी र पदाधिकारीले बालगृहकी अध्यक्ष इन्दिरा न्यौपानेलाई नगदसहित सहयोग सामग्री हस्तान्तरण गरेको हो । स्थापना दिवस दुई दिन मनाउने कार्यक्रमअनुसार मंगलबार हेटौंडा अस्पताललाई ५ सेट पीपीई हस्तान्तरण गर्ने कार्यक्रम रहेको पनि अध्यक्ष केसीले जानकारी दिनुभएको छ ।
