हेटौंडाः नेकपा एमालेको माधव नेपाल समूहले मुनु सिग्देलको अध्यक्षतामा जिल्ला कमिटी पुनर्गठन गरेको छ । आइतबार हेटौंडामा भएको भेलाले जिल्ला कमिटी पुनर्गठन गर्दै उपाध्यक्षमा बद्रि लम्साल, सचिवमा विष्णु ढकाल र उपसचिवमा मिना लामालाई चयन गरेको छ ।
जिल्ला अधिवेशनबाट अध्यक्ष्ँ निर्वाचित हुनुभएकी मुनु सिग्देल माओवादी केन्द्रसँग एकीकरणको क्रममा पनि पार्टी नेतृत्वमा हुनुहुन्थ्यो । मुनु सिग्देल नेतृत्वको नेकपा एमाले मकवानपुरमा सचिवालय र जिल्ला कमिटी सदस्य पनि थप भएको बताइएको छ । केही विभागहरुमा पनि हेरफेर भएको बताइएको छ ।
आइतबारको बैठकले नेकपा एमाले मकवानपुरले मकवानपुरका सवै पालिका र वडामा आगामी जेठ १५ भित्र भेलाको आयोजना गरी कमिटी पुनर्गठन गर्ने निर्णय भएको एक नेताले बताएका छन् । यस्तै जनवर्गीय संगठनको पनि भेला र कमिटी पुनर्गठन गरिने बताइएको छ । यता नेकपा एमाले ओली पक्षले एकालाल श्रेष्ठको अध्यक्षतामा नयाँ कमिटी घोषणा गरेको छ ।
