हेटौंडाः नयाँ वर्ष २०७८ को अवसरमा हेटौंडा राइडर्स क्लबले साइकल र्याली गरेको छ । नयाँ वर्षको शुभकामनासहित क्लबले हेटौंडा बजारको परिक्रमा गर्ने गरी र्याली गरेको हो ।
क्लबका अध्यक्ष विकास ताम्राकारको सभाध्यक्षतामा भएको र्याली हेटौंडाको बुद्धचोकबाट चौकीटोल, वनकम्पेक्स, मानसचोक, कान्तिराजपथ हुँदै पिप्ले, भैरवरोड, फरेष्ट्री क्याम्पस भएर बुद्धचोकमै आएर सम्पन्न भएको थियो ।
र्यालीमा १ सय जनाको उपस्थिति रहेको अध्यक्ष ताम्राकारले जानकारी दिनुभयो । क्लबले नया वर्षको अवसरमा नियमितरुपमा हेटौंडा परिक्रमा गर्नेगरी साइकल र्याली गर्ने गरेको छ । कोरोनाका कारणले गतवर्ष भने र्याली भएन ।
