हेटौंडाः हेटौंडा–१०, स्थित वन विज्ञान अध्ययन संस्थानको पर्खाल वरिपरि विद्यार्थीहरुले तारबार गरेका छन् । विद्यार्थीहरुको सक्रियतामा आज पर्खाल वरपर सरसफाई गरिएको छ ।
फोहोरको डंगूर थुप्रिएको तथा झाडि बढेको भन्दै आज विद्यार्थीहरुको एक समूहले सरसफाई गरेको हो । क्याम्पसको पर्खालमा लगाइएको तारबार पनि यत्रतत्र भएका कारण विद्यार्थीहरुले त्यसलाई मर्मत गरेका थिए ।
वन विज्ञान अध्ययन संस्थानमा अध्ययनरत विद्यार्थी सुजन खतिवडाका अनुसार यसअघि रानीदरबार को गेटदेखि क्याम्पस गेटसम्म फोहोर फाल्ने, अनैतिक क्रियाकलाप गर्नेहरु बढी थिए । यस्तै सडक छेउमा खुल्ला शौच गर्न आउने गरेको भन्दै विद्यार्थीहरुले सरसफाई अभियान चलाउनुपरेको उहाँको भनाई छ ।
