हेटौंडाः मकवानपुर बहुमुखी क्याम्पसले शुक्रबार मानविकी संकायको तेस्रो वर्षका विद्यार्थीहरुलाई विदाई गरेको छ भने प्रथम वर्षमा भर्ना भई आएका विद्यार्थीहरुलाई स्वागत गरेको छ । शुक्रबार बिहान एक कार्यक्रम गर्दै कलेजले विद्यार्थीहरुलाई डायरी र पेन दिएर बिदाई गरेका थिए भने खादा लगाएर प्रथम वर्षमा आउनेहरुलाई स्वागत गरेको थियो ।
मानविकी संकायका प्रमुख संगम चौलागाईको अध्यक्षतामा भएको कार्यक्रममा क्याम्पस प्रमुख डा. शंकरप्रसाद उपाध्यायको प्रमुख आतिथ्य रहेको थियो । कार्यक्रममा सहायक क्याम्पस प्रमुख डा. यम बहादुर सिलवाल लगायत प्राध्यापक तथा विद्यार्थीहरुको सहभागिता थियो ।
