मकवानपुरको पूर्वी क्षेत्र बागमती गाउँपालिका वडा नम्बर–८ स्थित जनता माध्यमिक विद्यालयको खेलमैदान । यही चैत्र १३ गतेबाट चौथो बागमती गोल्डकप–२०७७ यही चौरमा सञ्चालन हुनेछ ।
गोल्डपका लागि चौरलाई व्यवस्थित गर्ने कार्य भइरहेको छ । चौरको सतह मिलाइएको छ भने चौरमा पानी हालेर हरियाली बनाइएको छ । चौथो बागमती गोल्डकपका खेलहरु दैनिक ७ देखि १० हजार दर्शकले हेर्ने आयोजक बागमती गाउँपालिका खेलकुद विकास समिति अध्यक्ष भीमबहादुर राईले बताउनुभयो ।
