हेटौंडाः १११ औं अन्तर्राष्ट्रिय महिला दिवसको अवसरमा मनहरी गाउँपालिकाको वडास्तरीय बाल सञ्जालको आयोजनामा वक्तृत्वकला प्रतियोगिता भएको छ । मनहरी वडास्तरीय बाल सञ्जालका अध्यक्ष आशीष बुढाथोकीको सभाध्यक्षतामा भएको कार्यक्रममा गाउँपालिका उपाध्यक्ष मनिला बिष्टको प्रमुख आतिथ्यता थियो ।
उपाध्यक्ष बिष्टले महिलाको अधिकार रक्षामा जोड दिँदै आएको बताउनुभयो । उहाँले अब कोही महिला मनहरीमा पीडित हुने र हिंसा खेप्नुपर्ने अवस्था आउन नदिन आफू जिम्मेवार रहेको बताउनुभयो ।
वक्तृत्वकला प्रतियोगितामा सविना थिङ प्रथम, सरिता थिङ द्वितीय, श्याम परियार तृतीय भएका थिए । १११ औं महिला दिवसको सन्दर्भमा शनिबार महिला तथा बालबालिका अधिकार समितिले र्याली पनि निकालेको थियो । र्यालीमा सहभागीहरुले महिला रोकिए संसार रोकिन्छ, बलात्कार गर्नेलाई सामाजिक बहिष्कार, महिला अधिकार मानव अधिकारजस्ता नारा लगाएका थिए ।
